阿祖,已經六日了,你已經六日無同我講過野了,你爲左避開我,甚至詐病唔去餅鋪。我個心真係好痛,果種痛比阿強拋棄我嘅時候更痛。但係我知道唔應該怪你,由我寫信比你約你去獅子山公園見面果日開始,我就知道,我地條路好難行,會有好多眼淚。祖哥,本來我都想學阿荷一樣,迴避問題,但原來我做唔到。可能係因爲我愛你太深,你堅強d,唔可以再咁樣拖落去,拖落去嘅結果只有我地所有人都一齊痛苦。我向你保證,我會對待你嘅仔女好似對待心女一樣。祖哥,我寫呢封信嘅時候,我個心情真係好亂。我個肚漸漸大了。我去睇醫生,醫生話我身體太虛弱,唔可以落。命運點解要咁樣對我?強哥離開左我,我想死又死唔去,宜家又係咁。祖哥,我對你有時候覺得真係好矛盾,有時候我覺得你係世界上最好嘅男人,有時候我又覺得你太狠,唔通你真係想見到我一屍兩命,你先會知道我對你有幾真。祖哥,我無求了,我只求你好好照顧我心女,祝你一家幸福,殷紅。